चिखली (बुलडाणा कव्हरेज न्युज): आगामी विधानसभा निवडणुकांच्या पार्श्वभूमीवर चिखली मतदारसंघातील राजकीय हालचालींना वेग आला आहे. विद्यमान आमदार श्वेताताई महाले आणि माजी आमदार राहुल बोंद्रे यांच्याव्यतिरिक्त एका नव्या राजकीय चेहऱ्याची चर्चा सध्या सोशल मीडियावर रंगू लागली आहे. त्यामुळे मतदारसंघातील संभाव्य राजकीय समीकरणांबाबत विविध स्तरावर तर्क-वितर्कांना उधाण आले आहे.
सध्या सोशल मीडियावर विविध पोस्ट, संदेश आणि चर्चांमधून या ‘तिसऱ्या चेहऱ्या’बाबत अंदाज व्यक्त केले जात आहेत. मात्र, कोणत्याही राजकीय पक्षाने किंवा संबंधित नेत्याने याबाबत अधिकृत घोषणा केलेली नाही. त्यामुळे या चर्चांना अद्याप अधिकृत आधार नसून त्या केवळ राजकीय शक्यता आणि सोशल मीडियावरील चर्चांपुरत्याच मर्यादित आहेत.
दरम्यान, निवडणुकांची चाहूल लागताच मतदारसंघात राजकीय घडामोडींना वेग आला असून विविध पक्षांचे कार्यकर्ते आपापल्या पातळीवर रणनीती आखताना दिसत आहेत. संभाव्य उमेदवारी, पक्षांतर आणि नव्या समीकरणांबाबत समर्थकांकडून जोरदार लॉबिंग सुरू असल्याची चर्चा राजकीय वर्तुळात आहे.
राजकारण हे परिस्थितीनुसार बदलणारे असते. त्यामुळे सध्याच्या चर्चांकडेही अनेक जण भविष्यातील राजकीय घडामोडींच्या दृष्टीने पाहत आहेत. आगामी काळात या चर्चांना प्रत्यक्ष राजकीय स्वरूप मिळणार की त्या केवळ सोशल मीडियापुरत्याच मर्यादित राहणार, याकडे चिखली मतदारसंघातील नागरिक आणि राजकीय निरीक्षकांचे लक्ष लागले आहे.
