बुलडाणा (बुलडाणा कव्हरेज न्युज): चिखली आगार विभागात वाहक पदावर कार्यरत असलेले ३५ वर्षीय मिलिंद विजय जाधव यांनी शेतात जावून एका लिंबाच्या झाडाला गळफास घेवून आत्महत्या केल्याची घटना किंहोळा येथे ९ ऑक्टोबर रोजी सकाळी उघडकीस आली.
चिखली तालुक्यातील किन्होळा येथील रहिवाशी असलेले ३५ वर्षीय मिलिंद विजय जाधव हे चिखली एसटी आगार विभागात वाहक या पदावर कार्यरत होते. तसेच त्यांची पत्नी सुध्दा चिखली डेपो मध्येच वाहक पदावर कार्यरत आहे. त्यांना दिड वर्षाची मुलगी व आठ वर्षाचा मुलगा आहे. दोघे पती पत्नी आनंदात राहत असत त्यांची साप्ताहिक सुट्टी मंगळवार रोजी असल्याने ते घरी राहिले. मात्र सायंकाळी घरात कोणालाही काहीही न सांगता घरून निघून गेले. दुसऱ्या दिवशी त्यांची डीवटी असल्याने चिखली आगार विभागातून त्यांना फोन लावण्यात आला. मात्र त्यांचा फोन त्यांच्या पत्नीने उचलला आणि सांगितले की, ती घरी नाही बाहेर गेले आहे
घरी आल्या नंतर पाठवते. परंतु तीन दिवस झाले तरी ते घरी परतलेच नसल्याने घरच्यांनी शोध घेणे सुरू केले. पण कुठेही आढळून आले नव्हते मात्र ९ ऑक्टोबर रोजी सकाळी शेळ्या चारणारे हे शेतात गेले असता त्यांना गावातील आगार विभागातीलच
कर्मचारी असलेले जाधव यांच्या शेतात मिलिंद विजय जाधव यांचे प्रेत एका लिंबाच्या झाडाला नायलॉन दोरीच्या साह्याने गळफास घेवून लटकलेले दिसून आले त्यामुळे त्यांनी या घटनेची माहिती गावात दिली. माहिती मिळताच गावकरी घटनास्थळी दाखल झाले आणि घडलेला प्रकार पोलिसांना वआगार व्यवस्थापक यांना कळविला. त्यामुळे आगार व्यवस्थापक संतोष जोगदंडे, लामकाने व पोलिस कर्मचारी तात्काळ घटनास्थळी धाव घेत पंचासमक्ष पंचनामा करून मर्ग दाखल केला. वृत्त लिहेपर्यंत आत्महत्येचे कारण समजले नाही. अशा या घटनेमुळे किन्होळा गावकरी हळहळ व्यक्त करीत आहेत.
