लव्हाळा–साखरखेर्डा रोड वर दोन दुचाकींची समोरासमोर धडक; एक ठार, एक जखमी..!

साखरखेर्डा (बुलडाणा कव्हरेज न्यूज) लव्हाळा–साखरखेर्डा रोडवरील मोहाडीजवळ २० नोव्हेंबर रोजी दुपारी साडे चारच्या सुमारास दोन दुचाकींची समोरासमोर धडक होऊन गंभीर अपघात झाला.या अपघातात देऊळगाव माळी येथील गणेश विश्वनाथ मते (२८) यांचा मृत्यू झाला असून सवडद येथील अनिल कचरू खोलगाडगे (३०) गंभीर जखमी झाला आहे.गणेश मते लव्हाळ्याकडून साखरखेर्डा येथे जात होते, तर अनिल खोलगाडगे साखरखेर्ड्यातून आपल्या गावी सवडद येथे जात होते. मोहाडी फाट्याजवळील उतारावर दोन्ही दुचाकी जोरात एकमेकांवर आदळल्या.दोघेही गंभीर जखमी झाल्याने त्यांना प्राथमिक आरोग्य केंद्रात नेण्यात आले. प्रकृती बिघडल्याने पुढील उपचारांसाठी त्यांना चिखलीतील खासगी रुग्णालयात हलवण्यात आले. मात्र डॉक्टरांनी तपासणी करून गणेश मते यांना मृत घोषित केले, तर अनिल खोलगाडगे यांच्यावर उपचार सुरू आहेत.गणेश मते मेहकर येथील गाभणे हॉस्पिटलमध्ये कम्पाउंडर म्हणून नोकरी करत होते. दिवसभर देऊळगाव माळीत पानठेला चालवून ते रात्री नोकरीसाठी मेहकर येथे जात असत.