साखरखेर्डा (राहुल साबळे/कैलास आंधळे:- बुलडाणा कव्हरेज न्युज):आज राज्यासह बुलडाणा जिल्ह्यात चक्री वादळ आणि जोरदार पावसाने थैमान घातले. हिवरा गडलिंग, हनुवतखेड, वाघाळा, पोपळ शिवणी, आणि दरेगाव या भागात वादळी वाऱ्यांसह गारपीट आणि पाऊस पडला, ज्यामुळे शेतकऱ्यांना मोठे नुकसान झाले. हातातोंडाशी आलेली पिके निसर्गाने हिरावून घेतली, आणि शेतकऱ्यांना मोठ्या प्रमाणात हानी झाली आहे.
चिखली तालुक्यातील मेरा सर्कल येथे अचानक आलेल्या वादळी वाऱ्यामुळे शेतकऱ्यांचे मोठे नुकसान झाले. पिकांचे आणि भाजीपाल्याचे नुकसान होण्यासोबतच काही घरांवरील टिन उडून गेले.
या नैसर्गिक आपत्तीमुळे झालेल्या नुकसानीची प्रशासनाने त्वरित दखल घेत, शेतकऱ्यांना आणि नागरिकांना आवश्यक मदत पुरवावी, अशी मागणी केली जात आ
हे.
चिखली तालुक्यातील मेराखुर्द जिल्हापरिषद सर्कल मध्ये सुद्धा वादळी वाऱ्याचा तडाखा बसला.सध्या कांदा पीक जोमात आहे .कांद्याला टोळ लागले एकप्रकारे पीक हातात आलेले आसताना वादळी वाऱ्याने पीक जमिनीवर कोसळले तर आंब्याचा फुलोरा गळुन गेला.उशिरा पेरणी केलेल्या गहू,शाळू पिकाचे सुद्धा नुकसान झाले आहे. देऊळगाव घुबे येथे आलेल्या वादळी पावसामुळे शेतकऱ्यांच्या भाजीपाल्याचे नुकसान झाले असून घरांवरील टिन उडून गेले आहे.
विशेषतः, या वादळामुळे एल. एस. घुबे यांच्या जुन्या घरावरील पारापीट कोसळून घरासमोर उभ्या असलेल्या दुचाकीवर पडले. सुदैवाने, या दुर्घटनेत कोणतीही जीवितहानी झाली नाही अथवा कुणीही जखमी झालेले नाही.
युवा सेना उपजिल्हा प्रमुख संतोष भुतेकर यांनी केली मागणी….
आज दुपारी अचानक तुफान वादळ आल्याने अनेक ठिकाणी शेती पिकाची नुकसान झाले त्या पिकाचे लगेच पंचनामे करून लगेच भरपाई करण्यात यावी अशी मागणी जिल्हाधिकारी कार्यालयात पत्राद्वारे मागणी शिंदे गटाचे युवा सेना उपजिल्हा प्रमुख संतोष भुतेकर यांनी केली आहे
