Monsoon Update 2025: हवामान खात्याने मंगळवारी शेतकऱ्यांसाठी सुखद बातमी दिली आहे. भारतीय हवामानशास्त्र विभागाने (IMD) पत्रकार परिषदेत सांगितले की, यंदा मॉन्सूनच्या हंगामात सरासरीपेक्षा जास्त पाऊस पडण्याची शक्यता आहे. यावेळी संपूर्ण मॉन्सून हंगामात ‘एल निनो’ची परिस्थिती निर्माण होण्याची शक्यता नसल्याचेही स्पष्ट करण्यात आले. सध्या देशाच्या अनेक भागांत कडाक्याची उष्णता आणि उकाडा जाणवत आहे. अशा परिस्थितीत हवामान खात्याच्या या अंदाजाने सर्वसामान्यांना मोठा दिलासा मिळाला आहे.
उत्तर भारतात उष्णतेचा कहर, पारा वाढला
सध्या उत्तर भारतात उष्णतेची लाट आणि तीव्र उकाड्याचा सामना करावा लागत आहे. एप्रिल महिन्यातच तापमानात झपाट्याने वाढ झाल्याचे दिसत आहे. या पार्श्वभूमीवर, भारतीय हवामानशास्त्र विभागाने (IMD) मॉन्सूनबाबत दिलेली माहिती आशादायक आहे.
हवामान खात्याने मंगळवारी जाहीर केले की, यंदा मॉन्सूनच्या हंगामात भारतात सरासरीपेक्षा जास्त पावसाची शक्यता आहे. तसेच, संपूर्ण हंगामात ‘एल निनो’ची परिस्थिती उद्भवण्याची शक्यता नाकारण्यात आली आहे.
Road Safety Lesson Tragedy: क्षणात कोसळलेलं आयुष्य, अपघाताचा जीवघेणा आघात आणि एका स्वप्नाचा अंत
यंदा सरासरीपेक्षा अधिक पावसाचा अंदाज
भारतीय हवामानशास्त्र विभागाचे प्रमुख मृत्युंजय महापात्र यांनी दिल्लीत आयोजित पत्रकार परिषदेत सांगितले की, जून ते सप्टेंबर या चार महिन्यांच्या मॉन्सून हंगामात सरासरीपेक्षा जास्त पाऊस पडेल. दीर्घकालीन सरासरी 87 सेंमी पावसाच्या तुलनेत यंदा 105 टक्के पाऊस पडण्याचा अंदाज आहे. त्यांनी पुढे स्पष्ट केले की, भारतीय उपखंडात कमी पावसाशी निगडित ‘एल निनो’ची परिस्थिती यंदा निर्माण होण्याची शक्यता नाही.
शेतकऱ्यांसाठी दिलासादायक बातमी (Monsoon Update 2025)
भारत हा शेतीप्रधान देश आहे, आणि मॉन्सून हा शेतीसाठी अत्यंत महत्त्वाचा घटक आहे. देशातील सुमारे 42.3 टक्के लोकसंख्येची उपजीविका शेतीवर अवलंबून आहे. तसेच, देशाच्या एकूण राष्ट्रीय उत्पादनात (GDP) शेतीचा वाटा 18.2 टक्के आहे. देशातील 52 टक्के शेतीक्षेत्र हे पूर्णपणे पावसाच्या पाण्यावर अवलंबून आहे. याशिवाय, वीजनिर्मिती, पिण्याच्या पाण्यासाठी जलाशयांची पातळी वाढवणे यासाठीही पाऊस महत्त्वाचा आहे. त्यामुळे मॉन्सून हंगामात सरासरीपेक्षा जास्त पावसाचा अंदाज देशासाठी मोठी दिलासादायक बाब आहे.
हवामान तज्ज्ञांच्या मते, पावसाच्या दिवसांची संख्या कमी होत आहे, तर कमी वेळेत जास्त पाऊस पडण्याच्या घटना (मुसळधार पाऊस) वाढत आहेत. यामुळे दुष्काळ आणि पूर यांसारख्या परिस्थिती सातत्याने उद्भवत आहेत.
School Uniform Update: पालकांसाठी आनंदाची बातमी! मुलांना आता मोफत मिळणार गणवेश
उष्णतेच्या लाटेचा सामना करणारे अनेक भाग
सध्या देशातील काही भागांत तीव्र उष्णतेचा सामना करावा लागत आहे. हवामान खात्याने अंदाज (Monsoon Update 2025) वर्तवला आहे की, एप्रिल ते जून या कालावधीत उष्णतेच्या लाटांच्या संख्येत लक्षणीय वाढ होण्याची शक्यता आहे. यामुळे तापमानात वाढ होऊन वीजेच्या मागणीतही वाढ होण्याची शक्यता आहे. अशा परिस्थितीत मॉन्सूनबाबत आलेली ही सकारात्मक बातमी सर्वसामान्यांसाठी मोठा दिलासा ठरली आहे.
