विटाळी परिसरात चोरट्यांनी बलेनो कारमध्ये कोंबून १४ बकऱ्या चोरल्या; घटना सीसीटीव्हीमध्ये कैद..!

नांदुरा ( बुलडाणा कव्हरेज न्यूज)नांदुरा तालुक्यातील विटाळी (धानोरा) परिसरात चोरट्यांनी मध्यरात्री थरार मांडत बकऱ्या चोरून नेल्याची विचित्र घटना उघडकीस आली आहे. शेतकरी समाधान निंबाजी बोदवडे यांच्या गोठ्यातील ९ बकऱ्या आणि ५ बोकड चोरट्यांनी बलेनो कारमध्ये कोंबून पळवून नेले.ही घटना १० नोव्हेंबरच्या मध्यरात्री घडली असून, ग्रामपंचायतीच्या सीसीटीव्ही कॅमेऱ्यात चोरीचे स्पष्ट दृश्य कैद झाले आहे. ११ नोव्हेंबरला पहाटे २:०३ वाजता बलेनो गाडीत बकऱ्या भरून चोरटे पसार झाल्याचे फुटेजमध्ये दिसते.शेतकऱ्यांच्या मते, चोरी गेलेल्या जनावरांची अंदाजे १ लाख ५० हजार रुपयांची किंमत आहे. याबाबतच्या तक्रारीनंतर मलकापूर पोलिसांनी गुन्हा दाखल केला असून, पुढील तपास सहाय्यक फौजदार उल्हास मुके करीत आहेत.